Y Mentrau Presennol

Cyflawnir llawer o fentrau’r Brifysgol drwy’r gefnogaeth hael a gawn gan gyfranyddion yn unig. Ymhlith enghreifftiau diweddar o fentrau o’r fath mae:

• Ysgoloriaeth Ymchwil PhD Richard Whipp
  

  Sefydlwyd Ysgoloriaethau Ymchwil Richard Whipp yn 2005 er cof am waith Richard ym Mhrifysgol Caerdydd a’i lwyddiannau niferus a gyflawnodd yn ystod ei oes.

  Mae’r Ysgoloriaethau Ymchwil yn destament i rinweddau academaidd a phersonol Richard, tra’n creu etifeddiaeth o ddysgu a dealltwriaeth ar gyfer cenedlaethau o fyfyrwyr i ddod.

  Myfyrwyr fel Catherine Preston.

  “Heb Ysgoloriaeth Richard Whipp ni fyddai wedi bod yn bosibl i mi, o safbwynt ariannol, fod wedi gwneud PhD o gwbl. Ond y tu hwnt i’r broblem ariannol, ac yn bwysicach fyth, mae’r Ysgoloriaeth wedi cynnig y cyfle i mi gynnal prosiect rhyngddisgyblaethol gan ddysgu sgiliau newydd ac ehangu fy safbwynt deallusol ar bwynt lle mae’n arferol i ffocws academaidd droi’n fwy arbenigol. Hefyd, gan nad oes unrhyw brosiect arall i’w gymharu ag ef o fewn y DU, mae wedi rhoi’r cyfle i mi fod ynghlwm wrth rywbeth sy’n wirioneddol arloesol.

  Rwy’n ddiolchgar dros ben i bawb sydd wedi bod wrthi’n sefydlu ac yn cefnogi cynllun Ysgoloriaeth Richard Whipp. Heb y gefnogaeth honno ni fyddwn wedi llwyddo i ddilyn ymchwil i bwnc rwy’n ei garu ac i gyfrannu, gobeithio, rhywbeth gwerthfawr i’n dealltwriaeth o ran bwysig o hanes Cymru a Chaerdydd.”

• Sefydlu cyfleoedd hyfforddi unigryw megis Academi Llais Ryngwladol Caerdydd
  

  O dan arweiniad y tenor Cymreig o fri, Dennis O'Neill C.B.E, lansiwyd yr Academi yn gynnar yn 2007. Mae wedi creu cymuned ryngwladol unigryw o gantorion opera ifanc talentog sy’n derbyn hyfforddiant llais arbennig mewn amgylchedd tra arbenigol.

• Adeiladu cyfleusterau newydd, cyfoes megis:
  • Llety myfyrwyr
  • Yr Ysgol Gwyddorau Optometreg a Golwg newydd.
  

Mae’r gwaith a wneir gan Brifysgol Caerdydd yn newid bywydau ac mae eich cefnogaeth chi’n hanfodol i’r datblygiad yn y dyfodol.

Mae cyfraniadau yn gwneud gwahaniaeth gwirioneddol.