Edrych ymlaen

Gyda’ch cymorth chi gallwn barhau i gefnogi, yn effeithiol, blaenoriaethau’r Brifysgol ar gyfer y dyfodol sy’n cynnwys yn eu plith:

• Sefydlu 125 ysgoloriaeth ychwanegol, i ddathlu pen-blwydd Prifysgol Caerdydd yn 125 oed
  

  Rydym am ddathlu nid yn unig llwyddiannau’r gorffennol ond rydym am adeiladu etifeddiaeth ar gyfer cenedlaethau i ddod. Bydd yr apêl hon yn cynorthwyo’r cenhedlaethau nesaf o fyfyrwyr i gyrraedd eu costau ffioedd a’u costau byw yng Nghaerdydd. Felly rydym yn gofyn i staff, myfyrwyr, cynfyfyrwyr a ffrindiau’r Brifysgol heddiw i ymuno gyda’r Brifysgol yn yr apêl hon.

  Mae’r Brifysgol yn dangos ei hymroddiad i Apêl “125 ar gyfer 125” drwy ariannu’n gyfatebol y £100,000 cyntaf o gyfraniadau a wneir.

  Gwnewch eich cyfraniad drwy ymweld â’r wefan ar www.caerdydd.ac.uk/giving

• Parhau i wella cyfleusterau chwaraeon myfyrwyr
  

  Mae’r Brifysgol yn ymroddedig i ddarparu profiad o’r radd orau i fyfyrwyr ym Mhrifysgol Caerdydd. Mae hyn yn cynnwys gwella’r ddarpariaeth ddysgu, cymdeithasol a chwaraeon ar gyfer ei myfyrwyr, staff a’r gymuned ehangach yn ei chyfanrwydd.

  Mae’r prosiectau a flaenoriaethwyd yn cynnwys adeiladu tri chwrt tenis â llifoleuadau ar gyfer bob tywydd ar Safle Chwaraeon y Brifysgol, ail-wneud yr hen ganolfan chwaraeon yn Field Hall yn gyfan gwbl, adeiladu campfa newydd o fewn adeilad Undeb y Myfyrwyr, ynghyd â chyfleusterau campfa ychwanegol ar Safle Chwaraeon y Brifysgol

• Parhau i gefnogi Rhaglenni Datblygu Cyllid y Brifysgol: Mae’r cynlluniau ar gyfer y dyfodol yn cynnwys:
  
  • Uned Ymchwil Cancr newydd ar Gampws Y Mynydd Bychan.
  • Prif fynedfa newydd i Ysgol y Biowyddorau ar Gampws Parc Cathays, er mwyn darparu gwasanaethau canolog i fyfyrwyr ac ardal ar gyfer arddangos.
  

Mae codi incwm annibynnol drwy gyfraniadau yn rhoi gwerth ychwanegol gwirioneddol i’n ariannu craidd.

Am fwy o wybodaeth yngl?n â chyfleoedd ariannu ffoniwch yr Adran Ddatblygu a Chysylltiadau Cynfyfyrwyr ar 029 2087-6551.

Diolch.