Mae Caerdydd yn fywiog, cain, hyderus, cosmopolitaidd, yn darparu ar gyfer pob chwaeth, ac yn cynnig popeth o gyffro bywyd bywiog y ddinas i heddwch a thawelwch yr arfordir a chefn gwlad gerllaw.

Mae Caerdydd yn ddinas â threftadaeth ac uchelgais, a chanddo gymeriad nodedig, ansawdd bywyd da, ac enw da cenedlaethol a rhyngwladol cynyddol.

Ar hyn o bryd, mae’n gartref i nifer o ddigwyddiadau mawr, proffil uchel, gan gynnwys gŵyl haf rhad ac am ddim fwyaf Prydain.

Hon yw prifddinas Cymru, ac mae’n gartref i nifer o sefydliadau cenedlaethol, gan gynnwys Amgueddfa Genedlaethol Cymru, a Stadiwm y Mileniwm a edmygir yn fawr.

Mae gorwel canol y ddinas yn dystiolaeth i’w threftadaeth ac uchelgais, gyda thirnodau yn amrywio o’r ganolfan ddinesig addurnol i Gastell hanesyddol Caerdydd.

Mae Caerdydd wedi’i sefydlu fel ‘Prifddinas Ifancaf Ewrop’ ond mae ei hanes yn dyddio yn ôl mwy na 2,000 o flynyddoedd i’r Rhufeiniaid. Roedd yn un o’r porthladdoedd mwyaf prysur yn y byd ar un adeg, yn allforio glo a wnaeth danio’r chwyldro diwydiannol.

 

 

 

Mae dociau enwog Bae Teigr wedi cael eu trawsffurfio’n sylweddol i Fae Caerdydd, sef datblygiad modern o gartrefi, siopau, swyddfeydd, atyniadau ymwelwyr, a Chynulliad Cenedlaethol Cymru, y cyfan yn amgylchynu llyn dŵr croyw enfawr.

Ym 1905, cyhoeddwyd Caerdydd yn ddinas, ac ym 1955 daeth yn brifddinas Cymru.

Dinas Gyfeillgar

Mae dinas Caerdydd yn cynnig lleoliad ardderchog i astudio. Mae myfyrwyr yng Nghaerdydd yn elwa o’r cyfuniad o ddinas fach, gyfeillgar, rhad, gyda mwynderau diwylliannol a hamddenol prifddinas uchelgeisiol a blaengar.

Gyda phoblogaeth o 327,500, nid yw Caerdydd yn dioddef o orlenwi. Mae myfyrwyr yng Nghaerdydd yn arwain bywyd prysur, gyda’u hastudiaethau academaidd a’r gweithgareddau cymdeithasol a diwylliannol sy’n digwydd.

Lleoliad Cyfleus

Mae Caerdydd yn ddinas hynod hygyrch, sy’n elwa o gyfathrebiadau ffordd, rheilffordd ac awyr rhagorol. Gan ddefnyddio’r gwasanaeth trên cyflym sy’n rhedeg bob awr, gellir cyrraedd Llundain o fewn dwy awr.

Mae gan Gaerdydd gysylltiadau cyfleus i feysydd awyr Heathrow a Gatwick ac mae’r ddinas hefyd yn elwa o’i maes awyr rhyngwladol ei hun. Mae’r ddinas yn cael ei gwasanaethau’n uniongyrchol gan briffordd yr M4, sy’n darparu cysylltiadau cyflym i weddill y DU.

"Mae Caerdydd yn ddinas Brydeinig, gosmopolitaidd, llawn addewid, sy’n llawn dop â rhai o’r lleoedd yfed, dawnsio a siopa gorau y tu allan i Lundain."
Virgin Alternative Guide to British Universities

"Y brifddinas sy’n tyfu gyflymaf yn Ewrop. Mae’n brolio pensaernïaeth hen, hardd, yn ogystal â datblygiad glan y dŵr mawr ym Mae Caerdydd, sy’n cynnwys sinemau, bwytai, caffis ac amgueddfeydd. Siopa, bwyta a hygyrchedd gwych."
The Trotman Student Book

"Mae Caerdydd yn boblogaidd gyda myfyrwyr, ac mae’n cynnig holl atyniadau cytref fawr heb y prisiau uchel y mae myfyrwyr yn gorfod eu talu mewn mannau eraill."
The Times Good University Guide