Bywiog, gosgeiddig a hyderus o amrywiol ydyw Caerdydd ac y mae’n gallu cynnig rhywbeth i bawb, gan gynnwys cyffro dinas fywiog neu dawelwch braf y wlad a glan y môr sydd gerllaw.

Y mae gan Gaerdydd hanes ac uchelgais a chymeriad unigryw, ansawdd bywyd da ac enw da sydd yn tyfu’n genedlaethol ac yn rhyngwladol.

Ar hyn o bryd, y mae’n gartref i Rownd Derfynol Cwpan yr FA, Rali Network Q, cystadleuaeth Canwr y Byd a nifer fawr o ddigwyddiadau eraill, gan gynnwys gŵyl haf rad ac am ddim fwyaf Prydain.

Ar hyn o bryd, y mae’n gartref i Rownd Derfynol Cwpan yr FA, Rali Network Q, cystadleuaeth Canwr y Byd a nifer fawr o ddigwyddiadau eraill, gan gynnwys gŵyl haf rad ac am ddim fwyaf Prydain.

Y mae nenlinell canol y ddinas yn brawf o hanes ac uchelgais y lle. Y mae’n cynnwys adeiladau pwysig sydd yn amrywio o’r ganolfan ddinesig addurniedig i’r castell hanesyddol sydd yng Nghaerdydd.

Y mae Caerdydd wedi hen ennill ei blwyf fel ‘Prifddinas Ieuengaf Ewrop’ ond y mae ei hanes yn mynd yn ôl mwy na 2000 o flynyddoedd hyd at y Rhufeiniaid. Ar un adeg yr oedd yn un o’r porthladdoedd prysuraf yn y byd, gan allforio’r glo a greodd y Chwyldro Diwydiannol.

Y mae dociau enwog Tiger Bay wedi eu gweddnewid i raddau helaeth a’u troi’n Fae Caerdydd sydd â thai, siopau, swyddfeydd, atyniadau i ymwelwyr modern yn ogystal â Chynulliad Cenedlaethol Cymru, sydd oll ac un ar lan llyn dŵr croyw anferth.

Yn 1905 trowyd Caerdydd yn ddinas ac yn 1955 daeth yn brifddinas Cymru - efo dathliadau canmwlyddiant yn 2005.

Dinas Gyfeillgar

Y mae dinas Caerdydd yn cynnig lle ardderchog i astudio. Y mae myfyrwyr yng Nghaerdydd yn elwa ar fyw mewn cyfuniad o ddinas fechan, gyfeillgar a rhad a chyfleusterau diwylliannol a gweithgareddau hamdden a berthyn i brifddinas uchelgeisiol a blaengar.

Gan mai 327,500 yw poblogaeth Caerdydd nid oes gorboblogi yma. Y mae gan fyfyrwyr Caerdydd fywyd prysur, sydd yn cynnwys eu hastudiaethau academaidd a’r gweithgareddau cymdeithasol a diwylliannol sy’n digwydd yma.

Lleoliad Cyfleus

Y mae Caerdydd yn hawdd iawn ei chyrraedd gan fod ganddi heolydd, gwasanaeth rheilffordd a chysylltiadau awyr ardderchog. O ddefnyddio’r gwasanaeth pob awr ar y cledrau gellir cyrraedd Lundain mewn dwy awr.

Y mae Caerdydd yn gyfleus hefyd i feysydd awyr Heathrow a Gatwick ac y mae’r ddinas yn elwa ar ei maes awyr rhyngwladol ei hun. Y mae’r maes awyr yn ymyl yr M4 sydd yn gysylltiad cyflym â gweddill y DU.

"Caerdydd yw’r ddinas Brydeinig gosmopolitan sydd ar i fyny. Y mae’r lle yn llawn dynn bob llathen o’r llefydd yfed, dawnsio a siopa gorau tu allan i Lundain."
Virgin Alternative Guide to British Universities

"Dyma’r brifddinas sydd yn tyfu gyflymaf yn Ewrop. Y mae ganddi hen bensaernïaeth brydferth yn ogystal â datblygiadau glan d^wr ym Mae Caerdydd, sydd yn cynnwys sinemâu, tai bwyta, caffis ac amgueddfeydd. Siopa, bwyta a hygyrchedd ardderchog."
The Trotman Student Book

"Y mae Caerdydd yn boblogaidd ymhlith myfyrwyr gan ei bod yn cynnig atyniadau dinas fawr heb y prisiau uchel y mae myfyrwyr yn gorfod eu talu mewn llefydd eraill."
The Times Good University Guide