Niwrowyddoniaeth
Haenen 5-cell pyramid
Ymchwilia’r Adran Niwrowyddoniaeth i ystod eang o ymchwil niwrobiolegol, yn amredeg o’r lefel folecwlaidd i’r ymddygiadol. Ceir ymchwilwyr yn gweithio ym meysydd: datblygiad nerfol; niwrowyddoniaeth folecwlaidd a chellol; niwroffisioleg; plastigrwydd synaptig; dysgu a chofio; a niwroddirywiad a’r system nerfol heneiddiol. Ceisiwn gyfannu ein hymchwil i sicrhau gwell dealltwriaeth o weithrediad system nerfol iach a’r mecanwaith sy’n arwain i afiechydon niwrolegol. Ein prif amcan yw trosglwyddo gwybodaeth i driniaethau ffarmacolegol a chellol, ynghyd ag ymarfer clinigol gwell.
Mae’r Adran yn aelod o Ganolfan Niwrowyddoniaeth Caerdydd (CNC) sy’n dod ag ymchwil mewn niwrowyddoniaeth, seicoleg a geneteg seiciatrig, a genomeg at ei gilydd. Estyn yr Adran Niwrowyddoniaeth hefyd gartref i’r ganolfan delweddu cyseiniant magnetig (MRI) arbrofol (EMRIC) a’r Grŵp Adfer Ymennydd, ynghyd â bod yn brif bartner yng nghynllun doethuriaethau (PhD) 4-mlynedd Ymddiriedolaeth Wellcome.
Meysydd Ymchwil
- Gwahanrediad niwral mewn celloedd bonyn dynol a llygod.
- Ffactorau tyfiant a niwrotrophig yn natblygiad system nerfol.
- Rheoliad genyn mewn ymateb i symbylydd ffisiolegol.
- Mecanwaith molecwlaidd, genetig a chellol yn gweithredu adeg cwsg a chynhyrchiad syndromau epilepsi.
- Sefydlogwyr hwyl a sail gellol anhwylder deubegynol.
- Technegau optegol datblygedig i ddelweddu pigynnau dendritig a deinameg calsiwm.
- Ghrelin a rheolaeth y broses niwroendocrin.
- Gwahanrediad gweithredol niwronau synhwyro ymylol oedolyn.
- Cylchlinau niwral a gwahaniaethu arogleuol yn y rhyw ddynol.
- Rheolaeth sianelau ion drwy ffosfforyleiddiad protein.
- Arwyddo mewngellol mewn addysgu a chof.
- Mecanweithiau plastigrwydd niwronau yn y cortecs ymenyddol.
- Niwroddelweddu plastigrwydd a phrosesu synhwyrol.
- Plastigrwydd yn natblygiad system weledol.
- Prosesau molecwlaidd, cellol a niwral mewn cof emosiynol a hir-amser.
- Effeithiau heneiddio ar gylchedwaith awtonomig yr asgwrn cefn.
- Gweithrediad syniwclin mewn systemau nerfol iach a dirywiol.
- Heneiddio yn y system nerfol awtonomig.
- Triniaethau cell-seiliedig i afiechydon Huntington a Parkinson.
- Yr Athro Adrian Harwood (Arweinydd Adran Ymchwil Gweithredol)
Bioleg nerfol y gell, anhwylderau’r meddwl a chyffuriau seicotropig. Mae’r Athro Harwood hefyd yn aelod o’r Adran Ymchwil Biowyddorau Molecwlaidd.. - Dr Nick Allen
Mecanweithiau gwahanrediad nerfol mewn celloedd bonyn dynol a llygod gyda’r bwriad i ddatblygu protocolau i gyfarwyddo gwahanrediad cenhedlwyr nerfol i gaffael tynged nerfol benodedig a ffenoteipiau. - Dr Riccardo Brambilla
Rôl llwybrau arwyddo mewngellol mewn dysgu a chofio. - Yr Athro David Carter
Mecanweithiau sy’n rheoli mynegiant genyn mewn niwronau fel ymateb i symbylyddion ffisiolegol, ac yn ystod cyflyrau patholegol. - Yr Athro Vincenzo Crunelli
Mecanweithiau molecwlaidd, cellol a genetig sy’n weithredol yn niwronau sengl a rhwydweithiau niwral y thalamws a’r cortecs yn ystod mynegiant gwahanol adegau o gwsg a chynhyrchiad syndromau epileptig. - Yr Athro Alun Davies
Sut mae ffactorau niwrotroffig a ffactorau tyfiant eraill yn effeithio ar genhedliad a goroesiad niwronau, ac effeithio ar sefydlu ac ail-strwythuro cysylltiadau mewn system nerfol sy’n datblygu. - Yr Athro Steve Dunnett a’r Athro Anne Rosser
cyd-gyfarwyddwyr y Grŵp Adfer Ymennydd. Prif nod y Grŵp yw datblygu triniaethau cell-seiliedig ar gyfer afiechydon niwro-ddirywiol, yn arbennig afiechydon Huntington a Parkinson, wedi eu datblygu o drawsblaniad celloedd cynradd ffetysol, cenhedlwr a bonyn yn yr ymennydd. - Yr Athro Kevin Fox
Mecanweithiau molecwlaidd a chellol sy’n sail i brosesu synhwyrol a phlastigrwydd synaptig yn y cortecs ymenyddol.
-
Yr Athro Tim Jacob
Sut a pham y darganfyddwn arogl, a ydy dirnadaeth arogl yn gynhenid ac i ba raddau defnyddir arogl i gyfathrebu. - Dr Guy Major
Cyfrifiadau sylfaenol mewn rhwydweithiau nerfol, gan gynnwys cynhyrchiad pigynnau lleol, potensialau gwastad a dewisiad cyfeiriad mewn celloedd sengl niwronau pyramidaidd dendritig. - Dr David McGonigle
Gweithrediad system somatosynhwyrol iach ac afiach, cydberthnasau nerfol hyfforddiant sgiliau a dysgu canfyddiadol mewn systemau synhwyro. - Dr Rob Santer
Newidiadau a ddigwydd mewn heneiddio yn y system nerfol awtonomig a’r mecanwaith cellol gwaelodol. - Yr Athro Frank Sengpiel
Plastigrwydd datblygu yn y cortecs gweledol a datblygiad anhwylderau golwg. - Dr Kerrie Thomas
Prosesau molecwlaidd, cellol a nerfol sy’n waelodol i gof hirdymor, yn arbennig cof emosiynol. - Dr Alan Watson
Mecanweithiau gwaharddiadau cyn-synaptig ym madruddyn y cefn ac effeithiau heneiddio ar gylchlinau awtonomig yr asgwrn cefn. - Dr Tim Wells
Rheoliad niwroendocrin a phrosesau endocrin gan statws metabolig, gyda diddordeb arbennig yng ngweithrediad ghrelin. - Dr Sean Wyatt
Mecanweithiau sy’n arwain i gaffaeliad ffenoteipiau gweithredol penodol gan isgasgliadau gwahanol o niwronau synhwyro ymylol oedolyn.