Ysgol y Gymraeg

Prif ddiddordebau ymchwil

Ei phrif ddiddordeb ymchwil yw traddodiad rhyddiaith yr Oesoedd Canol, ac yn arbennig chwedlau'r Mabinogion. Yn ei hymchwil y mae wedi canolbwyntio ar dechnegau naratif y cyfarwydd a'r berthynas gymhleth sydd i'w chanfod rhwng llythrennedd, llafaredd a chlywededd yn y cyfnod canol. Mae ei chyhoeddiadau’n cynnwys erthyglau arloesol yn y maes hwn, yn ogystal â chyfrolau megis Crefft y Cyfarwydd a Pedeir Keinc y Mabinogi (yn y gyfres Llên y Llenor). Yn 2007 cyhoeddodd Gwasg Prifysgol Rhydychen ei chyfieithiad newydd o chwedlau’r Mabinogion; bellach y mae fersiwn clawr meddal hefyd wedi ymddangos yn y gyfres World’s Classics.

Datblygiad o’r diddordeb mewn perfformio a chyfathrebu yw ei phrosiect cyfredol ar bregethwyr dramatig y bedwaredd ganrif ar bymtheg a’r ugeinfed ganrif, sef Perfformio o’r Pulpud. Mae hefyd yn gweithio ar olygiad newydd o Breuddwyd Rhonabwy ar gyfer y Dublin Institute for Advanced Studies.

Proffil Dysgu

BA yn y Gymraeg: Blwyddyn Un Iaith Gyntaf

• CY1743 Llenyddiaeth Gymraeg (cyfrannwr)
• CY1744 O Destun i Draethawd (cyfrannwr)
• CY1745 Cymru a'i Diwylliant (cyfrannwr)

BA yn y Gymraeg: Yr Ail Flwyddyn a'r Flwyddyn Olaf

• CY3562 Pedeir Keinc y Mabinogi
• CY3404 Y Ferch yn yr Oesoedd Canol
• CY3447 Y Chwedl Arthuraidd
• CY2126 Blas ar Ymchwil

MA yn y Gymraeg

• CYD036 Crefft y Cyfarwydd
• CYD044 Arthur y Cymry

MA mewn Astudiaethau Gwerin

• CYD050 Traddodiad Naratif Cymru

MA mewn Astudiaethau Celtaidd Cynnar

• CYD733 Arthur y Cymry