Ysgol y Gymraeg

Prif ddiddordebau ymchwil

Awdurdod ar y Gymraeg o'i chyfnodau cynharaf hyd at y presennol. Ef yw awdur gramadeg safonol yr iaith, sef Gramadeg y Gymraeg (Gwasg Prifysgol Cymru, 1996). Enillodd y gwaith hwn iddo un o wobrau ymchwil pwysicaf y disgyblaethau Celtaidd, sef Gwobr Ymchwil Celtaidd Legonna, a weinyddir gan Lyfrgell Genedlaethol Cymru. Llyfrau eraill yw Cymraeg Graenus (1998) a Peredur: Golygiad Lleiafaidd (2000), astudiaeth o un o chwedlau’r Mabinogion, y dyfarnwyd iddi Wobr Vernam Hull. Y mae hefyd yn yn gyd-awdur Cymraeg, Cymrâg, Cymrêg . . .: Cyflwyno'r Tafodieithoedd ac yn gyd-olygydd Canhwyll Marchogyon: Cyd-destunoli Peredur (2000) a Developing Minority Languages (2000). Cyhoeddodd nifer o bapurau ysgolheigaidd arloesol ar ddatblygiad yr iaith a'i thafodieithoedd, a bu’n gyn-olygydd ar Adran Iaith a Llên Studia Celtica: Bwletin y Bwrdd Gwybodau Celtaidd. Anrhydeddwyd ef â’r wisg wen yn eisteddfod Meifod, 2003.

Ei brosiect ymchwil diweddaraf oedd Corff Electronig o Ryddiaith yr Oesoedd Canol. Noddwyd y gwaith hwn gan yr AHRC (Cyngor Ymchwil y Celfyddydau a’r Dyniaethau), a ddyfarnodd iddo dros £268,000 yn 2003. Gweler Rhyddiaith Gymraeg 1350-1425.