Y Lwfans Myfyrwyr Anabl (y DSA)
Caiff y Lwfans Myfyrwyr Anabl (y DSA) ei ddefnyddio i dalu am y cymorth y bydd arnoch chi ei angen i astudio o ganlyniad uniongyrchol i’ch anabledd, i’ch cyflwr meddygol tymor-hir, i’ch anhawster dysgu penodol neu anhawster tymor-hir o ran iechyd eich meddwl. Does dim prawf modd ar y DSA ac nid benthyciad mohono.
Mae’r DSA ar gael o ba gorff bynnag sy’n eich ariannu chi i astudio, e.e. Cyllid Myfyrwyr Cymru, Student Finance England, eich Awdurdod Lleol, yr SAAS, y Cynghorau Ymchwil neu’r GIG. Os nad ydych chi’n sicr pwy sy’n eich ariannu chi, gall y Gwasanaeth Anabledd a Dyslecsia eich cynghori.
Ydw i’n gymwys i gael DSA?
Gan fod y DSA ar gael i’r mwyafrif o fyfyrwyr anabl o’r DU, gall y grwpiau isod o fyfyrwyr yn allu bod yn gymwys i gael DSA.
Israddedigion Amser-llawn o’r DU – GALLANT
Israddedigion Rhan-amser o’r DU – GALLANT os yw’n 50% o gwrs amser-llawn *
Ôl-raddedigion Amser-llawn o’r DU – GALLANT
Ôl-raddedigion Rhan-amser o’r DU – GALLANT os yw’n 50% o gwrs amser-llawn *
* Cysylltwch â chynghorydd yn y Gwasanaeth Anabledd a Dyslecsia i ofyn a ydych chi’n gymwys
Nid yw myfyrwyr o’r UE na myfyrwyr Rhyngwladol yn dod o dan system DSA y DU. I gael gwybod pa gyllid arall sydd ar gael, darllenwch:
Fel rheol, nid yw myfyrwyr ar gyrsiau byr yn gymwys i gael y DSA. O dan yr amgylchiadau hynny, byddwn ni’n eich cynghori chi i gysylltu â’r Gwasanaeth Anabledd a Dyslecsia cyn gynted â phosibl i drafod y cymorth y bydd arnoch ei angen, ac unrhyw ofynion o ran cyllid, i chi allu astudio ym Mhrifysgol Caerdydd.
Beth y mae’r DSA yn talu amdano?
Chaiff y DSA mo’i dalu mewn symiau penodol am fod pob dyfarniad yn cael ei seilio ar asesiad o anghenion yr unigolyn. Gallwch chi ddefnyddio’r DSA i ariannu’r canlynol hyd at yr uchafsymiau a ddangosir (mae’r symiau’n gywir ar gyfer 2010/11):
Myfyrwyr israddedig amser-llawn a rhan-amser
Math o lwfans | Myfyrwyr amser-llawn | Myfyrwyr rhan-amser |
Offer a meddalwedd arbenigol | £5,161 am y cwrs cyfan | £5,161 am y cwrs cyfan |
Cynorthwyydd anfeddygol e.e. Sgiliau Astudio, cymerwyr nodiadau, cyfathrebwyr | £20,520 y flwyddyn | £15,390 y flwyddyn (gan ddibynnu ar ba mor ddwys yw’r cwrs) |
Cyffredinol e.e. llungopïo, amrywiol eitemau, costau argraffu | £1,724 y flwyddyn | £1,293 y flwyddyn (gan ddibynnu ar ba mor ddwys yw’r cwrs) |
Teithio |
| Weithiau, mae modd talu costau teithio os oes rhaid i chi dalu rhagor i ddod i’r brifysgol |
Myfyrwyr ôl-raddedig amser-llawn a rhan-amser
Mae un lwfans sy’n talu’r holl gostau hyd at £10,260 y flwyddyn. Gallwch chi ei ddefnyddio i dalu am offer arbenigol, treuliau personol anfeddygol, costau teithiau ychwanegol neu gostau eraill sy’n gysylltiedig â’ch cwrs.
Sut mae gwneud cais am DSA?
I wneud cais am DSA rhaid i chi gyflwyno tystiolaeth o’ch anabledd, eich anhawster iechyd meddwl, eich cyflwr meddygol tymor-hir neu’ch anhawster dysgu penodol i’ch corff ariannu, e.e. Cyllid Myfyrwyr Cymru (SFW), Student Finance England (SFE), eich AALl, SAAS, Uned Ddyfarniadau’r GIG neu’r Cyngor Cyllido. Yna, bydd y corff sy’n eich ariannu yn penderfynu a ydych chi’n gymwys.
Ein cyngor ni yw’ch bod chi’n gwneud cais am DSA cyn gynted â phosibl am y gall y broses gymryd sawl mis i’w chwblhau. Gall y Gwasanaeth Anabledd a Dyslecsia eich helpu gyda’ch cais.
Sut mae gwybod pa offer a chymorth y bydd arna i eu hangen os caf DSA?
Yn gyntaf, bydd y corff sy’n eich ariannu yn cysylltu â chi i ddweud a yw’ch cais wedi’i gymeradwyo. Os ydyw, byddant yn eich cynghori chi i gael Asesiad o’ch Anghenion ar gyfer y DSA. . Bydd yr asesiad hwnnw’n cyflwyno argymhellion ynghylch pa gymorth ac offer y bydd arnoch eu hangen, a gellir ei drefnu gan y Gwasanaeth Anabledd a Dyslecsia yng Nghanolfan Asesu Caerdydd..
Os oes gennych chi unrhyw gwestiwn neu os hoffech drafod rhagor ar broses y DSA, cysylltwch â ni i gael siarad â chynghorydd.
Gwybodaeth Bellach
Cliciwch yma i gael gwybod rhagor am y DSA gan y DSA-QAG, y corff sy’n rheoleiddio’r Asesiadau o Anghenion ar gyfer y DSA.