Eisteddfod 2012

Gall plant ysgol gymryd rhan mewn gweithdai rhyngweithiol ym mhafiliwn y Brifysgol i gael gweld sut i adeiladu tyrbin gwynt. Byddant yn cael awgrymiadau a chyngor am beth sy’n gwneud tyrbin gwynt da, a rhoddir gwobrau i dyrbin gorau’r dydd.

Bydd gweithgareddau eraill yn ystod yr wythnos yn rhoi’r cyfle i blant cyn oed ysgol wneud melin wynt tra bydd eraill yn rhoi cynnig ar adeiladu pont. Bydd adeiladwyr y pontydd hiraf yn cael eu rhestru fel y sgorwyr uchaf. Bydd car rasio Fformiwla Myfyrwyr y Brifysgol yno drwy gydol yr wythnos hefyd.

Peirianneg yw thema stondin y Brifysgol yn Eisteddfod Genedlaethol 2012”, meddai Bruce Etherington, y Rheolwr Ymgysylltu â Chymunedau.

Peirianneg yw un o’r meysydd pwysicaf fydd yn helpu Cymru yn ystod y cyfnodau anodd hyn. Drwy gyflwyno gwaith y Brifysgol i blant mewn ffordd hwyliog a rhyngweithiol, rydyn ni’n gobeithio ysbrydoli’r genhedlaeth nesaf o beirianwyr.

Bydd y Brifysgol yn rhannu ei phafiliwn gyda Techniquest a bydd drws nesaf i’r Pafiliwn Gwyddoniaeth ar y Maes.

Bydd Ysgol Gymraeg y Brifysgol yn amlwg yn yr Eisteddfod hefyd. Cynhelir cyfres o ddigwyddiadau drwy gydol yr wythnos gan gynnwys anerchiad gan Bennaeth yr Ysgol, yr Athro Sioned Davies, am gyfieithu llenyddiaeth i blant a’r Dr Simon Brooks am fewnfudwyr sy’n siarad Cymraeg.

Bydd aelodau o Ysgol y Gyfraith wrth law ddydd Iau, 9fed Awst, i roi’r cyfle i bobl gael gwybod rhagor am yr Ysgol a’r ymchwil mae’n ei gynnal. Bydd gan y Ganolfan Iechyd Meddwl Genedlaethol stondin hefyd ym mhafiliwn y Brifysgol drwy gydol yr wythnos er mwyn hyrwyddo’r Ganolfan a’i gwaith.

“R’yn ni’n gobeithio y bydd yr arddangosfa’n boblogaidd ymhlith pobl o bob oed sy’n ymweld â’r Eisteddfod. Mae’r bartneriaeth sydd wedi ei chreu rhyngon ni a’r Brifysgol yn mynd o nerth i nerth.

“Mae Techniquest yn cyflwyno gwyddoniaeth mewn ffordd gyffrous ac r’yn ni’n ffodus iawn i weithio gydag ymchwilwyr o statws rhyngwladol i ddatblygu syniadau newydd i ysbrydoli cenhedlaeth newydd o wyddonwyr.”