Ein Siarter Myfyrwyr

Ein Partneriaeth

“Mae profiad Caerdydd yn dibynnu ar bartneriaeth lwyddiannus rhwng y Brifysgol, Undeb y Myfyrwyr a’n myfyrwyr. Yng Nghaerdydd byddwch yn astudio mewn Prifysgol lwyddiannus, fywiog, amlddiwylliannol ac amrywiol, a hynny yn y brifddinas. Mae yma ymdeimlad cymunedol cryf sy'n cael ei nodweddu gan y cydbwysedd rhwng profiadau sy’n addysgol, yn gymdeithasol, ac sy’n ymwneud â diwylliant a chwaraeon. Mwy

Cyd-ddatganiad gan yr Is-Ganghellor, Yr Athro Colin Riordan, a Llywydd Undeb y Myfyrwyr, Harry Newman

Cymuned groesawgar – ac iddi gymeriad rhyngwladol, sy'n cael ei chyfoethogi gan amrywiaeth ac sy'n rhoi cyflwyniad cyfeillgar a chefnogol i brofiad Caerdydd.

Cymuned groesawgar

Cymuned urddasol ac egwyddorol – lle hybir cydraddoldeb, lle gwerthfawrogir amrywiaeth a chynwysoldeb a lle perchir unigolion;

Cymuned urddasol ac egwyddorol

Cymuned sy'n cael ei gyrru gan addysg – lle cewch weithio mewn partneriaeth â'r staff i gryfhau'ch profiad addysgol ac i ymchwilio am wybodaeth.

Cymuned sy'n cael ei gyrru gan addysg

Cymuned ymchwil flaenllaw – gydag ymchwilwyr sy'n adnabyddus yn rhyngwladol, a diwylliant o addysgu a datblygu personol sy'n cael ei gyfoethogi gan ymchwil.

Cymuned ymchwil flaenllaw

ymuned sy'n ymgysylltu – lle cewch eich gwahodd i gymryd rhan yng nghynrychiolaeth, cymdeithasau, dadleuon a chwaraeon y myfyrwyr ac i gefnogi'r gymuned leol.

Cymuned sy'n ymgysylltu

Cymuned sy'n edrych i'r dyfodol – lle rydym yn eich helpu i dderbyn yr heriau a ddaw yn ystod eich gyrfa, yn eich addysgu am ddatblygu cynaliadwy ac yn eich cefnogi i ddod yn ddinesydd byd.

Cymuned sy'n edrych i'r dyfodol

Cymuned sy'n gofalu a chefnogi – lle rydym yn ystyried eich lles a'ch diogelwch yn ôl eich anghenion unigol a lle mae cefnogi pobl eraill yn cael ei hybu.

Cymuned sy’n gofalu a chefnogi

Cymuned agored, onest a theg – lle mae'r wybodaeth yn llifo i'r ddau gyfeiriad, ac yn gywir, yn glir ac yn amserol, a lle mae pryderon yn cael eu trafod yn sensitif ac yn broffesiynol.

Cymuned agored, onest a theg

Gwybodaeh am ein Siarter Myfyrwyr

Mae ein Siarter yn cyfleu'r hyn y gallwch ei ddisgwyl gan y Brifysgol ac Undeb y Myfyrwyr a'r hyn a ddisgwylir gennych chithau. Mwy

Disgwyliadau

I gyd-fynd â'r Siarter Myfyrwyr, ceir rhagor o wybodaeth am bob un o'r cymunedau sydd wedi eu hamlinellu. Os na fydd pethau'n cwrdd â'ch disgwyliadau, mae yna gymorth a chyngor ar gael. Mwy

Ar Gyfer Myfyrwyr Cyfredol