Astudio yng Nghaerdydd | Is-raddedigion

Ymgeiswyr sy’n siarad Cymraeg

Er mai’r Saesneg yw prif gyfrwng yr addysg ym Mhrifysgol Caerdydd, mae’r ddarpariaeth Gymraeg yn cael ei datblygu mewn rhai meysydd. Efallai y bydd yr ysgoloriaethau a gynigir gan y Coleg Cymraeg Cenedlaethol o ddiddordeb i fyfyrwyr sy’n astudio cyrsiau cymwys ac yn dymuno gwneud rhan o’u gradd drwy’r Gymraeg.

Y Gymraeg a'ch gradd

Gall siaradwyr Cymraeg deimlo'n fwy cyffyrddus wrth siarad â thiwtor personol sy'n siarad Cymraeg. Gwnawn ein gorau glas, felly, i neilltuo siaradwr(aig) Cymraeg i chi os oes digon o aelodau Cymraeg eu hiaith o'r staff yn eich pwnc chi. Gallwch chi hefyd gyflwyno gwaith i'w asesu, a sefyll arholiadau, drwy gyfrwng y Gymraeg waeth ym mha iaith yr addysgir y rhaglen. (Gall hynny beidio â bod yn bosibl mewn rhai meysydd clinigol.)

Llety

Mae rhai o’n fflatiau yn Llys Senghennydd a Gogledd Tal-y-bont wedi’u neilltuo ar gyfer siaradwyr Cymraeg a’r rhai sy’n dysgu Cymraeg. Os byddai’n well gennych chi fyw mewn fflat lle siaredir Cymraeg, nodwch hynny ar eich cais am lety.