Astudio yng Nghaerdydd | Is-raddedigion

Rhagolygon gyrfa

Mae ein graddedigion ymhlith y rhai y bydd cyflogwyr yn chwilio amdanyn nhw’n fwyaf dyfal – yn fwy felly nag o blith myfyrwyr o’r mwyafrif o brifysgolion mawr eraill y DU.

Mae i radd o Gaerdydd apêl fawr yn y farchnad swyddi am fod cyflogwyr yn gwerthfawrogi gallu academaidd, cymhelliant a dyfeisgarwch graddedigion y Brifysgol.

Bydd y myfyrwyr yn elwa o amgylchedd astudio ysgogol, o addysgu dan arweiniad ymchwil, ac o ryngweithio ag academyddion sy’n gweithio ar derfynau eithaf y wybodaeth yn eu maes. Bydd hynny i gyd yn hybu meddwl yn feirniadol ac yn meithrin hunanddibyniaeth a gwaith tîm.

Y Gwasanaeth Gyrfaoedd

Gall ein gwasanaeth gyrfaoedd i raddedigion gynnig cymorth a chyngor ynghylch:

• Cynllunio gyrfa a’r dewisiadau
• Canolfannau Sgiliau Cyfweld ac Asesu, llunio CV a llenwi Ffurflenni Cais
• Mynediad i’r we i chwilio am swyddi, ymchwilio i gyflogwyr a chyflwyno ceisiadau ar-lein
• Ffug gyfweliadau a ffug gyflwyniadau
• Mynediad i Ganolfan Gyrfaoedd a Chyflogadwyedd sy’n ffrwyth llawer o ymchwil
• Mynediad i 30 munud o Ymgynghoriad Gyrfa ag arbenigwr ar gyfer eich maes chi
• Gwasanaeth e-arweiniad
• Mynediad i Weithdai Gyrfaoedd, Ffeiriau a Digwyddiadau Cyflogwyr.

Mae’r cymorth hwn ar gael i bob un o’n graddedigion yng Nghaerdydd. Hyd yn oed os symudwch chi i ffwrdd o Gaerdydd ar ôl graddio, bydd cymorth yn dal i fod wrth law drwy gyfrwng cyfweliadau dros y ffôn a’n gwasanaeth e-arweiniad.

Rydym ni wedi cymryd camau i blethu cyflogadwyedd i brofiad ein myfyrwyr drwy gynnal amrywiaeth o weithgareddau, gan gynnwys Rhaglen Sgiliau Rheoli Gyrfa sy’n helpu myfyrwyr i gyfleu i gyflogwyr y sgiliau y maent wedi’u dysgu yn y Brifysgol.

Yr Uned Menter Myfyrwyr

Byddwn ni’n helpu myfyrwyr sy’n ystyried sefydlu eu busnes eu hunain neu’n awyddus i ddatblygu eu sgiliau entrepreneuraidd, a bydd rhaglen GO Wales yn gosod rhyw 300 o fyfyrwyr a graddedigion Caerdydd gyda chyflogwyr bob blwyddyn i weithio ar brosiectau priodol. Caiff tua’u hanner gynnig gwaith am dymor hwy gyda’r cyflogwr.