Dysgu Anffurfiol
Clybiau darllen
Ehangwch eich gorwelion gyda'n Clybiau Darllen
Bydd clybiau darllen yn dechrau cyn bo hir
Mae darllen yn ffordd dda i ymarfer eich Cymraeg - dych chi’n gwella’ch geirfa, yn ymarfer patrymau ac yn gwella’ch sgiliau gwrando, darllen a deall.
Ymunwch ag un o'n clybiau i gwrdd â dysgwyr eraill, i wella'ch Cymraeg, ac i ddod o hyd i lyfrau diddorol newydd
Dysgu anffurfiol: cael hwyl drwy'r Gymraeg!
Taith o amgylch y stadiwm
Mae’n bwysig eich bod chi’n cymryd mantais o bob cyfle sydd gyda chi i siarad Cymraeg ac oherwydd hyn dyn ni wedi trefnu amserlen llawn o weithgareddau i chi bob tymor. Dewch i gael hwyl drwy siarad Cymraeg a gwneud ffrindiau gyda dysgwyr eraill o bob safon. O nosweithiau yn y dafarn i deithiau cerdded a bowlio deg, mae rhywbeth at ddant pawb! Bydd hefyd cyrsiau Sadwrn neu gyrsiau preswyl bron bob mis felly cofiwch ddod i fwynhau rhain hefyd. Ewch at y calendar i weld yr holl weithgareddau sydd ar gael i chi.
Sialens misol y rhaglen fentora!
Sialens Mis Hydref - Darllen yn Uchel
Y sialens y mis hwn yw i helpu’r dysgwr i ddarllen yn uchel. Helpwch y dysgwr i wella ei h/ynganiad. Efallai gallwch ddarllen llyfr byr i blant, stori fer neu bennod o lyfr. Darllenwch y stori ac ewch trwy’r geiriau gyda’ch gilydd. Helpwch gydag ystyr, ynganu a thrafodwch y stori yn un o’ch sesiynau. Dewiswch y llyfr yn ôl gallu’r dysgwr.
Mae croeso i chi fenthyg llyfr o’r llyfrgell yng Nghanolfan Cymraeg i Oedolion Caerdydd a Bro Morgannwg!
'Fflam y ddraig' - Mascot
Cadwch golwg allan am Fflam y Ddraig! Bydd Fflam yn dod i bob weithgaredd. Edrychwch am Fflam pryd dych chi’n cyrraedd a dyna ble bydd y dysgwyr i gyd. Dyna fe ar y chwith!
Bydd llawer o gyrsiau llawn hwyl drwy’r flwyddyn yn cynnwys:
- Cyrsiau Sadwrn – bydd y cyrsiau hyn mewn lleoliadau gwahanol dros Gaerdydd a’r Fro dros y flwyddyn ac yn cynnwys gwersi difyr a gweithgareddau llawn hwyl!
- Cwrs Penwythnos – bydd y cwrs hwn yn rhoi’r cyfle i chi gael gwersi ychwanegol ac yn rhoi’r cyfle i chi fwynhau yn Gymraeg dros y Sul i gyd!
- Cwrs Preswyl – Dewch gyda ni i Lanyfferi i fwynhau’r awyr iach, i gael rhagor o wersi a hwyl drwy’r Gymraeg ac i ganu yn Gymraeg yn y dafarn gyda’r nos!
Os hoffech chi ragor o wybodaeth am y cyrsiau hyn mae croeso i chi gysylltu â Gwenllian Willis ar willisg1@caerdydd.ac.uk
Dyma’r holl bethau eraill a fydd yn rhoi’r cyfle i chi gael hwyl drwy’r Gymraeg!:
- Teithiau Cerdded - Dewch i ymuno â grwp cerdded Valeways ar benwythnos cyntaf bob mis i fwynhau golygfeydd hyfryd y Fro ac i siarad Cymraeg â dysgwyr eraill a phobl rugl.
- Côr Dysgwyr Caerdydd a’r Fro - Os dych chi’n mwynhau canu mae croeso mawr i chi ymuno â’r côr. Dyma eich cyfle i wneud ffrindiau newydd, ymarfer eich Cymraeg ac i ddysgu llu o ganeuon Cymraeg hefyd.
- Clwb Scrabble yn Gymraeg - Mae’r clwb hwn yn gyfle gwych i ddysgu llawer o eirfa newydd, i wneud ffrindiau newydd ac i ymarfer eich Cymraeg.
- Nosweithiau yn y Mochyn Du - Dewch i fwynhau nosweithiau cymdeithasol yn y Mochyn Du sydd ar nos Wener cyntaf ym mhob mis. Mae hwn yn gyfle i chi gael llawer o hwyl ac i sgwrsio yn Gymraeg gyda dysgwyr o bob lefel.
- Gweithgareddau Eraill - Bydd llawer o weithgareddau eraill yn cael eu trefnu dros y flwyddyn hefyd e.e. bowlio deg, parti Nadolig a llawer mwy felly edrychwch allan am y rhain hefyd!
Ewch i’r calendar
