Cwrs Haf
Gloywi eich Cymraeg yn Gyflym ar Gwrs Haf 2012
Mae Cwrs Haf Caerdydd yn eich galluogi i gwblhau cwrs Cymraeg fuasai fel arfer yn cymryd 9 mis neu fwy i'w gwblhau mewn 4 wythnos yn unig. Allwch chi feddwl am ffordd fwy adeiladol o dreulio eich haf?
Yn Gryno...
- Bydd dosbarthiadau yn adlewyrchu diwrnod gwaith ac yn cael eu cynnal rhwng 9.00am a 4.30pm o ddydd Llun i ddydd Gwener. Nid oes dosbarthiadau ar y penwythnosau.
-
Cysylltwch â'r Ganolfan am gyngor os nad ydych yn siwr pa lefel sy'n addas i chi.
Cysylltwch â'r Ganolfan am wybodaeth am cwrs Haf 2012
- (Cysylltwch â'r Ganolfan am gyngor os nad ydych yn siwr pa lefel sy'n addas i chi.)
- Cymwys am Ostyngiad yn y Pris? Rhoddir gostyngiad o 50% yn y ffi, ar gyrsiau 4 neu 8 wythnos, i unrhyw ddysgwr di-breswyl sy'n seiliedig yn y DU ac sy'n derbyn pensiwn, budd-dâl Nawdd Cymdeithasol neu os ydynt yn fyfyrwyr. Er mwyn derbyn y gostyngiad hwn, mae'n rhaid i chi ddangos neu anfon copi cyfredol o'r ddogfen sy'n nodi eich hawl i fudd-dâl neu bensiwn, neu eich statws fel myfyriwr/aig, gyda'ch ffurflen gofrestru. (Ni ellir bwcio ar-lein)
Edrychwn ymlaen at dderbyn eich ymrestriad ac i'ch croesawu yn yr haf!
Tu allan i'r Dosbarth
Prif fwriad y cyrsiau hyn yw i sicrhau fod dysgwyr yn cyfathrebu â'i gilydd a siaradwyr rhugl yn y Gymraeg. Yn ystod y cwrs bydd nifer o deithiau a darlithoedd yn cael eu cynnal fel rhan gyfannol o'r broses ddysgu gyda'r nod o ymestyn sgiliau llafar y dysgwr yn ogystal â gwerthfawrogiad o fywyd a diwylliant Cymreig. Mae tynnu dysgwyr allan o'r dosbarth a defnyddio Cymraeg mewn amgylchiadau eraill o fudd mawr i'r broses ddysgu, ac yn llawer o hwyl yn y fargen!
Rydyn ni hefyd yn ceisio sicrhau fod pobl yn mwynhau'r cwrs ac yn defnyddio'u sgiliau Cymraeg newydd mewn amgylchiadau anffurfiol. I'r perwyl hwn yr ydym yn trefnu cyfarfodydd cymdeithasol, anffurfiol ar ôl y dosbarth unwaith yr wythnos. Mae hwn yn gyfle gwych i ddod i adnabod dysgwyr a thiwtoriaid eraill, ymarfer eich Cymraeg ac wrth gwrs, i gael amser da! Yn syml iawn, y mwyaf yr ydych yn defnyddio'r iaith y gorau.
