Dyfodol nad yw mor felys

01/10/2009

Mae plant sy’n bwyta losin a siocled bob dydd yn fwy tebygol o fod yn dreisgar mewn oedolion, yn ôl ymchwil newydd. 

Astudiodd tîm Prifysgol bron i 17,500 o gyfranogwyr yn Astudiaeth Brydeinig Cohort 1970.  Darganfuwyd bod unigolion 10 oed a oedd yn bwyta melysion bob dydd yn fwy tebygol o gael eu heuogfarnu am drais yn 34 oed.

Yr astudiaeth, a gyhoeddwyd yn rhifyn Hydref o’r British Journal of Psychiatry, yw’r cyntaf i archwilio effeithiau hirdymor diet plentyndod ar drais mewn oedolion. 

Darganfu’r ymchwilwyr fod 69 y cant o’r cyfranogwyr a oedd yn dreisgar pan oeddent yn 34 oed wedi bwyta losin a siocled bron bob dydd yn ystod plentyndod, o’u  cymharu â 42 % nad oeddynt yn dreisgar. 

Roedd y cyswllt rhwng bwyta melysion a thrais yn parhau ar ôl rheoli ar gyfer ffactorau eraill.

Cyflwynodd ymchwilwyr nifer o esboniadau eraill am y cyswllt.  Dywedodd y prif ymchwilydd, Dr Simon Moore, Ysgol Deintyddiaeth: “Yr esboniad sy’n cael blaenoriaeth gennym yw bod rhoi losin a siocled i blant yn gyson yn gallu eu hatal rhag dysgu sut i aros i gael rhywbeth maen nhw ei eisiau.  Gall methu gallu gohirio boddhad eu gwthio at ymddygiad mwy byrbwyll, a gysylltir yn gryf iawn â thramgwydd.”

Daeth yr ymchwilwyr i’r casgliad: “Mae angen sylw pellach ar y cysylltiad hwn rhwng bwyta melysion a thrais.  Gall targedu adnoddau at wella diet plant wella iechyd a lleihau trais.”