Ocsiwn celfyddydau morol
24/11/2009
Yn mynd unwaith. Yr arwerthwr, yr Athro Tim Wess, yn paratoi i guro’r morthwyl
Mae’r Ysgol Optometreg a Gwyddorau’r Golwg wedi cynnal digwyddiad yn ddiweddar i gefnogi’r Jubilee Sailing Trust yng Nghymru.
Rhan o’r noson oedd ocsiwn celfyddydau, yn gwerthu gwaith a roddwyd gan artistiaid lleol. Thema’r celfyddydwaith oedd Maritimia a bydd yn cael ei arddangos yn yr Ysgol tan y Nadolig.
Wedi ei gynnal gan yr Athro Tim Wess, a ymgymerodd â rôl yr arwerthwr, cododd y digwyddiad gyfanswm o £2,455.
Caiff yr arian ei ddefnyddio i gefnogi teithiau môr i bobl â golwg gwael ar y Lord Nelson a’r Tenacious, llongau’r Jubilee Sailing Trust, sydd ag offer sy’n caniatáu i bobl ag anableddau corfforol hwylio arnynt.
Dywedodd yr Athro Wess: “Mae digwyddiadau megis ein rhai ni yn helpu i godi ymwybyddiaeth a chefnogaeth ar gyfer y Jubilee Sailing Trust. Hoffem ddiolch i bawb a’n cefnogodd mewn noson lwyddiannus iawn.”
Am fwy o wybodaeth am yr ymddiriedolaeth, ewch i: www.jst.org.uk