Skip to content
Skip to navigation menu

English

Cyfieithu nofel

22 Rhagfyr 2008

Nofel a ysgrifennwyd gan ddarlithydd yn y Brifysgol yw’r llyfr cyntaf o Gymru i gael ei gyfieithu i’r Dyrceg.

Mae The Colour of a Dog Running Away, gan Dr Richard Gwyn, o’r Ysgol Saesneg, Cyfathrebu ac Athroniaeth, eisoes wedi ei gyfieithu a’i gyhoeddi mewn sawl iaith, gan gynnwys y Sbaeneg, yr Eidaleg, y Bortiwgaleg a’r Rwseg.

O fis Rhagfyr 2008, bydd ar gael yn y Dyrceg, a dyma’r tro cyntaf i nofel o Gymru gael ei chyhoeddi yn yr iaith honno.

Dywedodd Dr Gwyn: "Roedd yn braf dysgu ein bod yn torri tir newydd ar gyfer ffuglen Gymreig gyda’r cyfieithu hwn. Mae Twrci’n wlad fawr ond, yn hanesyddol, nid yw hi wedi meddu ar gyhoedd sy’n darllen llawer o ffuglen. Rwyf wedi edmygu’r beirdd radical o Dwrci, fel Nazim Hikmet, ers tro ac, wrth gwrs, erbyn hyn, mae Orhan Pamuk yn nofelydd sydd wedi ennill y wobr Nobel. Mae Istanbul yn ddinas syfrdanol ac roedd yn anrhydedd cael fy ngwahodd i Ffair Lyfrau Istanbul."

Roedd y llyfr, a gyhoeddir gan Parthian, yn nofel gyntaf Dr Gwyn ac mae’n ddirgelwch cyfoes wedi ei leoli yn Barcelona. Cyhoeddwyd ei ail lyfr, Deep Hanging Out, gan Snowbooks yn 2007.

Tags