Mae Prifysgol Caerdydd ymhlith Prifysgolion y DU sydd ar y brig o ran ymchwil, gan bwysleisio ei henw da cynyddol fel un o brifysgolion mwyaf arloesol, uchelgeisiol a llwyddiannus y wlad. Yn y dadansoddiad annibynnol diweddaraf o ansawdd ymchwil prifysgolion y DU, esgynnodd Prifysgol Caerdydd wyth lle yn nhabl ymchwil y wlad gyfan i'r seithfed safle o 106 o sefydliadau. Cafodd saith o ysgolion Prifysgol Caerdydd y radd 5* uchaf. Mae chwarter staff y Brifysgol a aseswyd bellach yn gweithio yn y meysydd hyn ac mae'r Brifysgol yn y seithfed safle ym Mhrydain o ran canran y staff sy'n gweithio mewn ysgolion gradd 5*- a gradd 5, sef 87. Denwyd athrawon ymchwil blaenllaw i Gaerdydd o bob cwr o'r DU a'r byd, gan roi mantais i fyfyrwyr trwy ychwanegu at yr amrywiaeth diwylliannol ac academaidd cyfoethog ar y campws.