Neidio at y cynnwys
Neidio at y fwydlen fordwyo

Llwyddiant arweinyddiaeth a rheolaeth

24 Awst 2010

Elizabeth Treasure

Rhai o'r staff llwyddiannus gyda Is-Ganghellor Dr David Grant

Mae rheolaeth foesegol, arwain newid a chyfathrebu’n effeithiol ymhlith y sgiliau a gafodd eu datblygu a’u mireinio gan aelodau o’r staff mewn dwy raglen hyfforddiant gan y Brifysgol.

Cafodd 27 o staff o Ysgolion academaidd ac isadrannau gweinyddol eu llongyfarch gan yr Is-Ganghellor Dr David Grant ar ôl iddynt gwblhau’r rhaglenni anodd - Arweinyddiaeth Ymarferol ar gyfer Rheolwyr Prifysgol; ac Arwain a Rheoli Timau sydd â’r nod o wella sgiliau’r cyfranogwyr o ran arwain a rheoli.

Yn y digwyddiad dathlu blynyddol a gynhaliwyd yn yr Ysgol Optometreg a Gwyddorau Golygol, cyflwynodd Dr Grant dystysgrifau’r Sefydliad Arweinyddiaeth a Rheolaeth (ILM) i 11 aelod o'r staff am gwblhau Arweinyddiaeth Ymarferol ar gyfer Rheolwyr Prifysgol a thystysgrifau’r ILM i 16 o bobl am gwblhau Arwain a Rheoli Timau. Ymunwyd â nhw yn y digwyddiad gan lu o bobl a oedd wedi bod yn rhan o’u dysgu, gan gynnwys tiwtoriaid, cyfranwyr allanol, rheolwyr llinell a mentoriaid.

Wrth siarad am y rhaglen Arweinyddiaeth Ymarferol ar gyfer Rheolwyr Prifysgol, dywedodd un o’r cyfranogwyr, yr Athro Claire Gorrara: “Roedd y cwrs yn gynhyrchiol dros ben. Dysgais lawer o'r gwaith academaidd a sut i gefnogi a hyrwyddo arferion gorau o ran rheoli. Hefyd, llwyddais i gydnabod a deall mwy am fy nulliau i o reoli ac arwain a sut orau i ddatblygu fy nghryfderau fy hun a mynd i’r afael ag agweddau nad oeddwn mor hyderus yn eu cylch.”

Bu Sarah Woods o Is-adran Gynllunio’r Brifysgol yn cymryd rhan yn y Rhaglen Arwain a Rheoli Timau. “Mae hwn yn gwrs anhygoel i’r rhai sydd ar hyn o bryd yn arwain a rheoli timau neu i’r rheini sy’n dymuno dysgu’r sgiliau ar gyfer y dyfodol,” meddai Sarah. “Mae’n rhyngweithiol iawn gyda thiwtor gwych – byddwn yn ei argymell i bawb waeth beth yw eu lefel neu swydd.”

Mae’r Brifysgol wedi ymrwymo i ddatblygu ei diwylliant arweinyddiaeth trwy amrediad o raglenni datblygu arweinyddiaeth a rheolaeth sy’n cael eu darparu’n fewnol. Nod y rhain yw hybu a chynnal amgylchedd gweithio positif i’r holl staff. Mae’r seremoni wobrwyo’n dathlu bod amrediad eang o bobl, yn staff academaidd a staff chymorth o bob lefel o’r Brifysgol, nid yn unig wedi cael eu hyfforddi ond hefyd wedi ennill dyfarniadau sy’n cael eu cydnabod gan yr ILM.

I gael gwybod rhagor am y rhaglen Arweinyddiaeth Ymarferol ar gyfer Rheolwyr Prifysgol, y rhaglen Arwain a Rheoli Timau (y ddau’n cael eu cydnabod gan yr ILM) neu gyfleoedd hyfforddi eraill, byddwch cystal ag ymweld â www.cardiff.ac.uk/humrs/staffinfo

Rhestr o’r rhai a lwyddodd i gwblhau Arweinyddiaeth Ymarferol ar gyfer Rheolwyr Prifysgol  

  • Tamsin Carey-Lang (CAIRD)
  • Emma Darling (CAIRD)
  • Andrew Davies (CARBS)
  • Jane Davies (SONMS)
  • Keith Davies (CORPH)
  • Claire Gorrara (EUROS)
  • Julie Hepburn (CARSV)
  • Karen Holford (ENGIN)
  • Mair Hopkin (PGMDE)
  • David Jiles (ENGIN)
  • Michelle Jones (HUMRS)
  • Stephen Marchant (FINCE)
  • Helen Nicholson (HISAR)
  • Wendy Ross (RACDV)
  • Leona Walsh (PGMDE)
  • Laura Williams (RACDV)
  • Sarah Woolley (MUSIC)

Rhestr o’r rhai a lwyddodd i gwblhau Arwain a Rheoli Timau

  • Leanne Ashill (ESTAT)
  • Heather Balls (RESID)
  • Lisa Bassett (PGMDE)
  • Miriam Carson (INSRV)
  • Carol Davies (JOMEC)
  • Rosemary Granger (MEDIC)
  • Rachel Hampton (CAIRD)
  • Claire Hobbs (ARCHI)
  • Judith Hurford (INSRV)
  • Anna Hurley (MEDIC)
  • Gerard Kennedy (DEVAR)
  • Fiona Kiely (DENTL)
  • Christine Lee (ENGIN)
  • Mark Lewis (BIOSI)
  • Amy Luther (CAIRD)
  • Gareth Mahoney (WLTC)
  • Susan McDonald (RESID)
  • Paola Moruzzi (CAIRD)
  • Kim Parker (REGIS)
  • Matthew Richards (SPORT)
  • Georgie Thomson (CLAWS)
  • Jo Wells (INSRV)
  • Steph Whitfield (MEDIC)
  • Sarah Williams (MEDIC)
  • Sarah Woods (RACDV)