PHEW 2011
16/05/2011
Rafftio dŵr gwyn, Tai Chi, Zumba a gwiriadau iechyd am ddim – dim ond rhai o’r gweithgareddau y gall staff roi cynnig arnynt fel rhan o’r Wythnos Iechyd ac Amgylchedd Cadarnhaol (PHEW) eleni.
Mae PHEW, sy’n cael ei gynnal yn flynyddol, yn rhoi cyfle i staff roi cynnig ar amrywiaeth o weithgareddau sy’n ymwneud ag iechyd, lles a’r amgylchedd. Dyma weithgareddau rhad ac am ddim ac fe’u cynigir ledled y campws ac mewn nifer o leoliadau allanol er mwyn caniatáu i gynifer o staff â phosibl gymryd rhan ynddynt.
Cynhelir PHEW o ddydd Llun 27 Mehefin i ddydd Gwener 8 Gorffennaf, a gall staff gymryd rhan mewn hyd at bum gweithgaredd yn ystod oriau gwaith arferol (yn ôl disgresiwn eu rheolwr llinell) a faint bynnag o weithgareddau ag y dymunant yn ystod oriau cinio neu’r tu allan i oriau gwaith.
Mae amserlen y digwyddiadau ar gael ar wefan PHEW yn www.caerdydd.ac.uk/phew ac mae nifer fach o weithgareddau i’w cadarnhau. I gael y newyddion diweddaraf am y rhaglen ac unrhyw ddiweddariadau i’r amserlen, anfonwch neges e-bost at phew@caerdydd.ac.uk a gofynnwch am gael ymuno â’r rhestr bostio.
PHEW – Beth sy’n Digwydd
Bydd PHEW 2011 yn lansio ddydd Llun 27 Mehefin 2011 gyda nifer o weithgareddau sydd wedi bod yn hynod boblogaidd yn y gorffennol, neu y mae nifer sylweddol o staff wedi gofyn amdanynt eleni:
- Profion colesterol
- Profion diabetes
- Sgrinio’r prostad
- Nofio am ddim
- Adweitheg – bydd apwyntiadau ar gael mewn lleoliadau amrywiol ar draws campws y Brifysgol
- Tylino’r corff – bydd apwyntiadau ar gael mewn lleoliadau amrywiol drwy gydol y dydd
- Dadansoddiad o Gerddediad gan ‘MOTI’
- Taith amser cinio o amgylch Castell Caerdydd
- Taith o amgylch Stadiwm y Mileniwm
- Dosbarth Tai Chi
- Zumba
- Tai Chi
- Bocsio a Thynhau’r Cyhyrau
- Dringo Dan Do yn Boulders
- Casgliad Banc Bwyd
Dydd Mawrth 28 Mehefin 2011
- Profion colesterol
- Profion diabetes
- Sgrinio’r prostad
- Nofio am ddim
- Adweitheg
- Rheoli Amser
- Y Llwybr at Hunan-barch Da
- Taith o amgylch Stadiwm Dinas Caerdydd
- Taith o amgylch Canolfan Gofal Dydd y Brifysgol
- Badminton i ddechreuwyr
- Badminton i chwaraewyr canolradd
- Dawnsio llinell
- Nofio am ddim
- Zumba
- Casgliad Banc Bwyd
Dydd Mercher 29 Mehefin 2011
- Brecwast Beicio
- Sgrinio’r prostad
- Profion colesterol
- Profion diabetes
- Gwiriadau iechyd
- Nofio am ddim
- Dadansoddiad o Gerddediad gan ‘MOTI’
- Rheoli Straen
- Byw gydag Ansicrwydd
- Cael Gobaith ac Ystyr o Ddioddefaint
- Dringo Dan Do yn Boulders
- Pilates
- Sesiwn BodyPump
- Casgliad Banc Bwyd
Dydd Iau 30 Mehefin 2011
- Ffotograffiaeth Fundus
- Gwiriadau Ffitrwydd
- Sgrinio’r prostad
- Profion diabetes
- Profion colesterol
- Sut i Beidio â Cholli Ffrindiau a Gwneud Gelynion
- Perffeithiaeth
- Cinio’r Gaplaniaeth
- Adweitheg
- Tylino’r corff
- Zumba
- Pencampwriaeth pêl-droed 7 bob ochr y staff
- Casgliad Banc Bwyd
Dydd Gwener 1 Gorffennaf 2011
- Sgrinio’r prostad
- Profion diabetes
- Profion colesterol
- Nofio am ddim
- Taith o amgylch Adeilad Senedd Cynulliad Cenedlaethol Cymru
- Defnyddio Alcohol a Chyffuriau: Gwybodaeth i Chi ac Eraill
- Diolch Byth, mae’n Benwythnos!
- Tai Chi
- Sesiwn Body Combat
- Casgliad Banc Bwyd
Dydd Llun 4 Gorffennaf 2011
- Ffotograffiaeth Fundus
- Profion colesterol
- Profion diabetes
- Sgrinio’r prostad
- Nofio am ddim
- Adweitheg
- Tylino’r corff
- Sboncen i Ddechreuwyr
- Sboncen i Chwaraewyr Canolradd
- Zumba
- Pilates
- Casgliad Banc Bwyd
Dydd Mawrth 5 Gorffennaf 2011
- Ffotograffiaeth Fundus
- Profion colesterol
- Profion diabetes
- Sgrinio’r Prostad
- Nofio am ddim
- Gwiriadau ar fannau geni
- Gwiriadau Calon Iach
- Profion Anoddefedd Bwyd
- Profion alergedd
- Y Llwybr i Hunan-barch Da
- Dawnsio llinell
- Zumba
- Tylino’r Pen trwy ddull Indiaidd
- Casgliad Banc Bwyd
Dydd Mercher 6 Gorffennaf 2011
- Gwiriadau pwysedd gwaed a phrofion cyfansoddiad y corff
- Profion colesterol
- Profion diabetes
- Sgrinio’r prostad
- Nofio am ddim
- Profion anoddefedd bwyd
- Gwiriadau pwysedd gwaed a phrofion cyfansoddiad y corff
- Profion alergedd
- Gwiriadau calon iach
- Gwiriadau ar fannau geni
- Gwneud synnwyr o alar: gweithdy i unrhyw un sy’n dioddef yn sgil colli rhwun annwyl
- Pilates
- Tai Chi
- Ioga
- Casgliad Banc Bwyd
Dydd Iau 7 Gorffennaf 2011
- Ffotograffiaeth Fundus
- Profion colesterol
- Profion diabetes
- Sgrinio’r prostad
- Athroniaeth i Ddechreuwyr
- Cerddoriaeth Roc a Phop y 1960au
- Ysgrifennu Creadigol i Ddechreuwyr
- Groeg i Ddechreuwyr
- Rwsieg i Ddechreuwyr
- Croateg i Ddechreuwyr
- Tsieinëeg i Ddechreuwyr
- Arabeg i Ddechreuwyr
- Yn Ddigwsg yn y Ddinas
- Taith o amgylch Canolfan Gofal Dydd y Brifysgol
- Zumba
- Dringo Dan Do yn Boulders
- Nofio am ddim
- Casgliad Banc Bwyd
Ddydd Gwener, 8 Gorffennaf, bydd PHEW 2011 yn dod i ben gyda diwrnod galw heibio, o 11am tan 2pm, yn Oriel Viriamu Jones, y Prif Adeilad, Plas y Parc.
Bydd amrywiaeth o weithgareddau ar gael yn y diwrnod galw heibio, gan gynnwys creu digrifluniau, cael blas ar ffrwythau, salad a chawl, a bydd amrywiaeth o sefydliadau’n cynnal stondinau er mwyn i aelodau staff alw heibio i gael cyngor, cymorth neu wybodaeth.
Bydd staff o siop John Lewis hefyd yn bresennol gyda chynrychiolaeth o fwy na 10 o’u brandiau harddwch – Origins, Kiehls, Dr Hauschka, Benefit, Estee Lauder, Clinique, Lancome, Guerlain, Clarins, Laura Mercier a Dior. Byddant yn cynnig gwneud colur am ddim, rhoi cyngor ar golur, tylino’r dwylo a’r breichiau a bydd bagiau nwyddau am ddim ganddynt, ymhlith pethau eraill.
Bydd casgliad banc bwyd hefyd yn cael ei gynnal drwy gydol y pythefnos fel y gall aelodau staff helpu i gefnogi pobl sy’n dioddef caledi ariannol a’r realiti o fethu â bwydo’u hunain a’u teuluoedd. I gael gwybodaeth lawn am sut i roi bwyd, ewch i wefan PHEW a lawrlwytho llyfryn PHEW 2011.
Bydd diwrnod olaf PHEW hefyd yn cynnwys cyfle i roi cynnig ar rafftio dŵr gwyn yng Nghanolfan Dŵr Gwyn Ryngwladol Caerdydd. Oherwydd y bu’r gweithgaredd hwn yn hynod boblogaidd y llynedd, bydd lleoedd yn cael eu dyrannu i staff trwy dynnu enwau o het. Darllenwch y manylion yn llyfryn PHEW 2011 i gael gwybod sut i gofrestru eich diddordeb a chael gwybod pryd bydd yr enwau’n cael eu tynnu.
